Astanada eki jumysshyny kólik qaǵyp ketti, biri qaza boldy

ASTANA. KAZINFORM — Elordada jol jóndep jatqan jumysshylardy avtokólik qaǵyp ketti. Bir jumysshy oqıǵa ornynda kóz jumdy. Bul aqparatty qalalyq polıtsııa departamenti rastady.

— 2025 jylǵy 18 tamyzda túngi ýaqytta «Shkoda» markaly avtokólik júrgizýshisi Qoshqarbaev kóshesinen Saryarqa kóshesine qaraı «Saraıshyq» kópirimen kele jatyp, jol jóndeý jumysy júrgizilip jatqanyn eskermeı, jumys istep jatqan eki jumysshyny qaǵyp ketti, — delingen habarlamada.

Jol apaty saldarynan jumysshynyń biri oqıǵa ornynda kóz jumdy, ekinshisi aýrýhanaǵa jetkizildi.

— Bolǵan jaıt boıynsha qylmystyq is qozǵalyp, sotqa deıingi tergeý júrgizilip jatyr. Avtokólik arnaıy kommýnaldyq turaqqa qoıyldy, — deıdi vedomstvodan.

Aıta ketsek, elordada mas kúıde rólge otyrǵan 1 myńnan astam astanalyq jazalandy.