Astanada eki júk kóligi soqtyǵysyp, órtenip ketti

ASTANA. KAZINFORM – Astanada Pýshkın kóshesiniń boıyndaǵy óndiristiń aýmaqta eki júk kóligi soqtyǵysty, dep habarlaıdy Kazinform agenttigi.

Áleýmettik jelilerde eki júk kóligi soqtyǵysqan soń órt shyqqany túsirilgen vıdeolar tarap jatyr. Kadrdan qoıý tútin býdaqtap, tehnıkalardyń qyzyl jalynǵa oranǵanyn baıqaýǵa bolady. 

Oqıǵa ornynda polıtsııa qyzmetkerleri men qutqarýshylar jumys istep jatyr. Joldyń apat bolǵan bóliginde qozǵalys shektelgen. 

Kólik oqıǵasy kezinde adamdardyń japa shekkeni jaıly málimet túspedi. 

Qazirgi sátte oqıǵanyń mán-jaıy anyqtalyp jatyr. 

Aıta keteıik, budan deıin Pavlodar-Astana tasjolynda kólik apatynan jeti bala zardap shekkenin jazǵan edik.