Astanada eki kún boıy keı kóshelerde kólik qozǵalysy shekteledi
ASTANA. KAZINFORM — Elordada 5-6 qazanda keı kóshelerde kólik qozǵalysyna shekteý qoıylady, dep habarlaıdy Qazaqstan Respýblıkasynyń Memlekettik kúzet qyzmeti.
Astana qalasynda birqatar aýqymdy halyqaralyq saıası is-sharalar ótkizilýine baılanysty 2026 jylǵy 5-6 qazanda qala kósheleriniń jekelegen bóliginde kólik quraldarynyń júrýine ýaqytsha shekteý qoıylady.
Іs-sharalarda Qazaqstan Respýblıkasynyń arnaıy memlekettik, quqyq qorǵaý organdary men Qarýly Kúshteriniń kúshteri men quraldaryn paıdalaný kózdelgen.
— Elorda turǵyndary men qonaqtarynan halyqaralyq deńgeıdegi mańyzdy oqıǵa ýaqytynda ótkiziletin qaýipsizdikti qorǵaý sharalaryna túsinistikpen qaraýdy suraımyz, — delingen habarlamada.
Budan buryn 5-6 qazan kúnderi Prezıdent Qasym-Jomart Toqaevtyń shaqyrýymen Qazaqstanǵa Oman Sultany Haısam ben Tarıq Ál Saıd memlekettik saparmen kele jatqanyn jazǵan edik.
