Astanada eki kóshe búginshe jabyq tur

ASTANA. KAZINFORM — Búgin elordada birqatar jolda kólik qozǵalysyna tyıym salyndy. 

Búgin, 15 qyrkúıek tańǵy 06:00–den 20:00–ge deıin LRT jol ótkelderindegi ýaqytsha metall konstrýktsııalaryn demontajdaý jumysyna baılanysty myna joldardy jabý josparlanǵan: 

— Hýseın ben Talal kóshesi — Qabanbaı batyr dańǵylynan Máńgilik El dańǵylyna qaraı 70 metrge;

— Jańadarııa kóshesi — Qabanbaı batyr dańǵylynan Prıgorodnyı shaǵyn aýdanyna qaraı 70 metr.

«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraımyz. Ýaqytsha qolaısyzdyq úshin keshirim suraımyz jáne jol-qurylys jumysyn júrgizýge túsinistikpen qaraýdy ótinemiz» dep eskertedi ákimdikten. 

Eske sala keteıik, keshe Qorǵaljyn tasjolynyń bir bóligi jabylǵan bolatyn.