Astanada eki qabatty saýda úıinen órt shyqty

ASTANA. KAZINFORM — Qyzyl jalyn Astana qalasy Máskeý kóshesi 9 mekenjaıyndaǵy saýda úıin sharpyǵan, dep habarlaıdy qalalyq TJD.

Vedomstvo málim etkendeı, ǵımarattyń birinshi qabatyndaǵy lak-boıaý buıymdaryn saqtaıtyn jerden órt shyqqan.

— Alǵashqy órt sóndirý bólimsheleri kelgen sátte dereý gaz-tútinnen qorǵaý qyzmeti qurylyp, naqtylanǵan málimetter boıynsha Saryarqa aýdany Máskeý kóshesi boıyndaǵy eki qabatty saýda úıiniń birinshi qabatynda lak-boıaý buıymdaryn saqtaıtyn úı-jaıda 20 sh. m. alańda órt shyqqany anyqtaldy. Zardap shekkender joq, órttiń sebebi anyqtalýda. Saǵat 17:40–ta elordalyq órt sóndirýshiler órtti tolyqtaı sóndirdi. Qyzyl jalyndy aýyzdyqtaý úshin 5 negizgi jáne 1 arnaıy tehnıka tartyldy, — dedi Astana qalasy TJD ÓSKQ jedel kezekshisi Qanat Mıshelev.

Buǵan deıin Jetisý oblysynda jylytý maýsymy bastalǵaly 101 órt tirkelgenin jazdyq.