Astanada eki aýdannyń ákimi taǵaıyndaldy
ASTANA. KAZINFORM — Astanada Saraıshyq jáne Almaty aýdandandarynyń ákimderi taǵaıyndaldy. Bul týraly qala ákimdiginiń baspasóz qyzmeti málim etti.
QR Prezıdenti Ákimshiliginiń jáne qalalyq máslıhat depýtattarynyń kelisimi boıynsha 39 jastaǵy Maqsat Samatuly Saraıshyq aýdanynyń ákimi bolyp taǵaıyndaldy. Taǵaıyndalǵanǵa deıin Almaty aýdanynyń ákimi qyzmetin atqardy.
Ol eńbek jolyn 2007 jyly Almaty qalasy Tabıǵı resýrstar jáne tabıǵat paıdalanýdy retteý departamentiniń mamany qyzmetinen bastaǵan. Ár jyldary «Astana qalalyq kommýnaldyq sharýashylyq», Astana qalasynyń energetıka jáne kommýnaldyq sharýashylyq departamentinde jáne t.b. jumys istedi.
2012 jyldan bastap 2019 jyldyń mamyryna deıin Almaty aýdany ákiminiń apparatynda túrli laýazymdarda boldy. 2019 jyldyń mamyrynan 2022 jyldyń tamyzyna deıin Almaty aýdany ákiminiń orynbasary, Baıqońyr aýdany ákiminiń orynbasary qyzmetterin atqardy.
2022 jyldyń tamyz aıynan bastap Almaty aýdanynyń ákimi laýazymynda jumys istedi.
Memleket basshysynyń tapsyrmasy aıasynda Saraıshyq aýdany ákimine aýdan men turǵyn alaptardy damytý boıynsha birqatar mindet júkteldi.
Al, QR Prezıdenti Ákimshiliginiń jáne qalalyq máslıhat depýtattarynyń kelisimi boıynsha 39 jastaǵy Rýstam Táýekelov Almaty aýdanynyń ákimi bolyp taǵaıyndaldy. Ol osyǵan deıin «Elorda qurylys kompanııasy» JShS basshysy qyzmetin atqarǵan.
Eńbek jolyn QR Ekonomıkalyq qylmysqa jáne sybaılas jemqorlyqqa qarsy kúres agenttiginde bastaǵan. Ár jyldary «Balkantaý KZ» JShS basshysy, «Elorda qurylys kompanııasy» JShS dırektorynyń orynbasary, «City Transportation Systems» JShS Basqarma tóraǵasynyń orynbasary bolyp jumys istegen.
2022 jyldyń qazan aıynan bastap «Elorda qurylys kompanııasy» JShS basshysy qyzmetin atqardy.
Memleket basshysynyń tapsyrmalary aıasynda Almaty aýdany ákiminiń aldyna aýdan men turǵyn alaptardy damytý boıynsha birqatar mindet qoıyldy.
Eske sala keteıik, buǵan deıin ótken aptada bolǵan kadrlyq taǵaıyndaýlar týraly jazǵan bolatynbyz.
