Astanada dzıýdodan Qazaqstan birinshiligi bastaldy
ASTANA. QazAqparat - Búgin Astanadaǵy «Dáýlet» sport kesheninde dzıýdodan erler men áıelder arasyndaǵy Qazaqstan chempıonatynyń shymyldyǵy túrildi, dep habarlaıdy QazAqparat tilshisi.
QR Ulttyq olımpıadalyq komıtetiniń baspasóz qyzmeti habarlaýynsha, el chempıonaty 16 qarashaǵa deıin jalǵasady. Ulttyq birinshilikke elimizdiń barlyq óńirinen sportshylar qatysýda.
Osy birinshilikte baǵy men baby qatar shaýyp júldeger atanǵan sportshylar ulttyq quramaǵa shaqyrtý almaq.
Búgin, ıaǵnı 13 qarasha kúni boz kilemge erlerden 60 jáne 66 kelidegi balýandar, al áıelderden 48 jáne 52 keli salmaqta beldesetin balýandar baqtaryn synaıdy.
