Astanada dzıýdo kúresinen elimizdegi tuńǵysh álem chempıonaty ótedi
ASTANA. QazAqparat - 24-30 tamyz aralyǵynda Astanada elimizde alǵash ret álem birinshiligi ótkiziledi. Oǵan 123 memleketten 823 sportshy (495 er men 328 qyz) qatysady, dep habarlady qalalyq ákimdiktiń baspasóz qyzmetinen.
Sonymen birge, elordaǵa 1000-ǵa jýyq qonaq keledi. Olardyń ishinde bapkerler men federatsııa basshylary jáne basqa da laýazym ıeleri bar. Baıraqty báseke barysynda jumys isteý úshin 160 jýrnalıst tirkeýden ótýge ótinish jasady. Bul chempıonat Olımpıada qarsańynda ótkiziletindikten, barlyq memleketter úshin mańyzdy. Álem birinshiligi «Alaý» muzaıdynynda ótkiziledi. Jarys erler men qyzdar arasynda 7 salmaq dárejesi boıynsha uıymdastyrylady jáne sońǵy kúni komandalar ózara synǵa túsedi. Halyqaralyq dzıýdo federatsııasy basshylyǵynyń qatysýmen resmı baspasóz-konferentsııasy 23 tamyz kúni saǵat 14.30 «Rıksos» qonaq úıinde ótkiziledi.
