Astanada dzıýdo klýbtary arasyndaǵy Halyqaralyq týrnır búgin bastalady
ASTANA. 1 qarasha. QazAqparat - Búgin Astanadaǵy «Dáýlet» sport saraıynda dzıýdo klýbtary arasyndaǵy Halyqaralyq týrnır bastalady.
Qazaqstanda alǵash ret uıymdastyrylyp otyrǵan týrnırge Reseı, Latvııa, Ýkraına men Qyrǵyzstannyń dzıýdo klýbtary qatysady. Al el namysyn bıyl qurylǵan «TAK Astana» klýby qorǵaıtyn bolady. Klýb jetekshisi Sergeı Rakovtyń aıtýynsha, ondaı týrnırlerge legıonerlerdi tartýǵa bolady. Olardyń sany shekteýli bolýy tıis. Degenmen, «TAK Astana» klýby atynan tatamıge shyǵatyn sportshylardyń basym bóligi - Qazaqstannyń dzıýdoshylary. Olardyń ishinde Eldos Smetov, Ashat Telmanov, Azamat Muqanov, Sergeı Lım, Ertýǵan Tórenov, Dastan Úkibaev, Dáýlethan Jaqypov, Maksım Rakov pen Erjan Shynkeevter bar.
Aıta ketken jón, bul týrnır jalpy komandalyq esepke («Astana arlandary» sııaqty - avt.) negizdeledi. Jeńimpaz atanǵan klýb 50 myń AQSh dollary kólemindegi syıaqyǵa ıe bolady.
