Astanada djıý-djıtsýdan álem chempıonaty ótip jatyr
ASTANA. QazAqparat – Astana qalasynda alǵash ret djıý-djıtsýdan jasóspirimder men kadetter arasynda álem birinshiligi ótip jatyr, dep habarlaıdy QazAqparat elorda ákimdiginiń resmı saıtyna silteme jasap.
Dúbirli dodaǵa álemniń 42 elinen 1 000-nan astam eń myqty degen boz kilem sheberleri jınaldy. Bul baıraqty básekede Qazaqstan qurama komandasynan 194 úzdik sportshy el namysyn qorǵaıdy.
Jarystyń saltanatty ashylý rásimine Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Erbol Myrzabosynov, Halyqaralyq Djıý-djıtsý federatsııasynyń prezıdenti Teodoropýlos Panaıotıs, Astana qalasynyń Dene shynyqtyrý jáne sport basqarmasynyń basshysy Samat Jylqybaev, QR djıý-djıtsý qaýymdastyǵynyń prezıdenti Qýat Saǵıev qatysty.
«Álem chempıonatyn elordamyz Astana qalasynda ótkizý djıý-djıtsý sportyn respýblıkamyzda jáne halyqaralyq arenada damytýǵa jáne keńinen taratýǵa, sportshylardyń kásibı sheberligi men básekege qabilettigin arttyrýǵa, halyqty júıeli túrde sportpen shuǵyldanýǵa tartýǵa, salaýatty ómir saltyn nasıhattaýǵa yqpal etedi», - dedi Erbol Myrzabosynov.
Bes kún qatarynan ótetin dúbirli dodada 14-21 jas sanattary boıynsha qatysýshylar baq synaıdy.
25 tamyzǵa deıin J.Úshkempirov atyndaǵy jekpe-jek saraıynda jalǵasady. Sondaı-aq chempıonattyń aqtyq beldesýleri «Qazsport» telearnasynan tikeleı efırde kórsetiledi.
