Astanada djıý-djıtsý jekpe-jegi tanymaldyqqa ıe bolýda (FOTO)
ASTANA. QazAqparat - L.Gýmılev atyndaǵy Eýrazııa ulttyq ýnıversıtetiniń sporttyq-saýyqtyrý kesheninde jasópirim jáne eresek sportshylar arasynda djıý-djıtsý belbeýine josparly kóktemgi attestatsııa ótti.
Attestatsııa komıssııasy quramynda Qazaqstan Djıý-djıtsý qaýymdastyǵynyń jattyqtyrýshy quramy, sonymen qatar baıqaýshy keńesiniń músheleri boldy.
Jalpy alǵanda, sharaǵa 80-ge jýyq adam qatysty olardyń arasynda balalar úıiniń tárbıelenýshileri, halyqaralyq jarystarǵa qatysýshylar da boldy, dep habarlady qaýymdastyqtyń baspasóz qyzmetinen.
Aıta keterligi, sońǵy ýaqytta áıelder arasynda bul sport túrine zor qyzyǵýshylyq baıqalady. Búgingi shara qatysqandardyń 7 paıyzyn qyzdar qurady.
Attestatsııaǵa qatysýshylardyń basym bóligi ózderiniń jańa belbeýge laıyqty ekendikterin dáleldedi. Bul jattyqtyrýshy quram men sportshylardyń ózderiniń júıeli ári qarqyndy jumystarynyń jemisi deýge bolady.
