Astanada Dj. Verdıdiń «Aıda» operasy ashyq aspan astynda qoıylmaq
ASTANA. QazAqparat - Elorda kúnine oraı, Astanada 1-2 shilde kúnderi Dj. Verdıdiń "Aıda" operasy qoıylatyn bolady.
Bundaı kólemdegi qoıylym ashyq aspan astynda ótedi dep josparlanýda. Bul týraly keshe Ortalyq kommýnıkatsııalyq qyzmetinde ótken baspasóz máslıhatynda Tóleýbek Álpıev málim etti.
"Bul spektakldi biz tamasha merekege oraı - Astana kúnine arnap otyrmyz. Ashyq aspan astyndaǵy qoıylym - teatrdaǵy erekshe janr. Onda kóptegen faktorlar eskeriledi: teatraldyq alańnyń aýqymdy aýmaǵy, sahnanyń erekshe ornalasýy, ártisterdiń keń quramy, úlken aýdıtorııa, sonymen birge arnaıy jaryq pen beıneapparatýra", - deıdi teatr basshysy.
Jobaǵa tanymal reseılik ártis ıÝrıı Aleksandrov jetekshilik etpek. ıÝrıı Aleksandrov kezinde Kúlásh Baıseıitova atyndaǵy opera jáne balet teatryn jáne jańadan salynǵan "Astana Opera" teatrynyń ashylýynda boldy. Qazaqstanda rejısser birneshe tamasha qoıylymdar jazǵan edi. Sonyń ishinde elordalyq teatrdyń betke ustar qoıylymy - "Birjan-Sara" operasynyń avtory.
"Biz qoıylymnyń mysyrlyq atmosferasyn tolyqtaı berýdi josparlaýdamyz. Ol úshin arnaıy kostıýmder men dekoratsııalar qoldanylady. Búginde qyzý jumys júrip jatyr, sonyń barlyǵy astanalyq kórermender úshin jasalýda. Árıne, osyndaı aýqymdaǵy qoıylymdy ashyq aspan astynda uıymdastyrý qıynnyń qıyny, biraq biz qoldan kelgenniń barlyǵyn isteımiz. Aýa-raıynan qoryqpaımyz. Jańbyr bolmasyn dep tileımin", - deıdi ıÝ. Aleksandrov.
Mysyrlyq atmosferany sezinýge Astanadaǵy "Pıramıda" ǵımaraty da qoldanylady. Iri-iri dekoratsııalar, aq tulparǵa mingen salt attylar, keremet kostıýmder - barlyǵy astanalyqtardy tamasha sezimge bóleıdi.
