Astanada Dúnıejúzilik JITS-pen kúres kúnine arnalǵan aktsııa ótti (FOTO)
ASTANA. QazAqparat - Astanada «Hanshatyr» saýda-oıyn-saýyq ortalyǵynda Dúnıejúzilik JITS-pen kúres kúnine arnalǵan keń aýqymdy aktsııa ótti.
Shara Astana qalasynyń densaýlyq saqtaý basqarmasynyń qoldaýymen uıymdastyryldy. Maqsaty - jurtshylyq nazaryn JITS(VICh)-ınspektsııasy problemasyna aýdarý, óz densaýlyǵyna jaýapkershilikpen qaraý qajettiligi boldy.
Aktsııaǵa qala jastary, Medıtsınalyq-tehnıkalyq kolledj stýdentteri, «Astana medıtsınalyq ýnıversıteti» AQ, «Qazaq ulttyq óner ýnıversıteti» jáne t.b. stýdentteri qatysyp, flesh-mob, plakattar baıqaýy, sport oıyndary, vıktorına, kontsert ótkizdi. 2015 jylǵy birlesken jemisti eńbegi úshin JITS ortalyǵy Astana qalasy ákimdigi, Іshki saıasat basqarmasyna, bilim berý basqarmasyna, Astana q. ІІD, Q.Qýanyshbaev atyndaǵy Memlekettik akademııalyq qazaq mýzykalyq drama teatryna, Polıtehnıkalyq kolledjge, «Shalqar» radıosyna, Qyzyl jarty aı qoǵamyna, «Habar» arnasyna, «Astana aqshamy» gazetine alǵys bildirdi. Ortalyq mamandarymen ár tilek bildirýshi keńes ala alady. Tegin ekspress-testileýden ótýge bolady. Barlyq belsendi qatysýshylarǵa baǵaly syılyqtar, gramotalar, alǵys hattar tabys etildi. Tutastaı sharaǵa 1500-den astam adam qatysty.
