Astanada dúnıejúzilik uıymnyń aýsylǵa qarsy úılestirý keńesi qurylady
ASTANA. QazAqparat - Búgin Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysy ótip, onda «Qazaqstan Respýblıkasynyń Úkimeti men Janýarlardyń saýlyǵy jónindegi dúnıejúzilik uıym arasyndaǵy Janýarlardyń saýlyǵy jónindegi dúnıejúzilik uıymnyń aýsyl boıynsha sýbóńirlik úılestirý keńsesin Astana qalasynda qurý týraly kelisimdi ratıfıkatsııalaý týraly» zań jobasy talqylandy.
Aıta keterligi, 2013 jyldyń 16 qazanynda Astana qalasynda jasalǵan kelisimge sáıkes, Astana qalasynda janýarlardyń aýsyl aýrýy boıynsha Halyqaralyq epızootııalyq bıýrosynyń sýbóńirlik úılestirý keńsesin qurylady. Halyqaralyq keńse jumysy aýsyl aýrýyna baqylaýdy kúsheıtýge, aımaqtyq deńgeıde osy aýrýmen kúresý boıynsha strategııa men biryńǵaı ádistemeler jasaýǵa baǵyttalǵan.
Budan bólek, Astanada qurylatyn keńse Halyqaralyq epızootııalyq bıýronyń arnaıy jáne aımaqtyq komıssııalarymen birlese otyryp aýsylmen kúresý boıynsha Ortalyq Azııa aımaǵy aýmaǵynda veterınarııalyq qyzmetterdi biriktirýdi qamtamasyz etedi.
Budan bólek, keńse janynan aýsyl aýrýyna qarsy vaktsına bankin qurý kózdeledi. Bul rette Ortalyq Azııa respýblıkalary úshin vaktsınalaý maqsatynda aýsylǵa qarsy sapaly ekpeler satyp alýǵa bıýro jyl saıyn grant bólýdi qarastyrady.
Eske sala keteıik, Qazaqstan 1993 jyldan bastap Halyqaralyq epızootııalyq bıýronyń múshesi bolyp tabylady.
Zań jobasy palatanyń jalpy otyrysyna shyǵarylady.
