Astanada Dúnıejúzilik qar kúnine oraı shańǵy jarysy ótedi
ASTANA. QazAqparat - 18 qańtarda «Astanalyq» saıabaǵyndaǵy Astananyń shańǵyrollerlik trassasynda Dúnıejúzilik qar kúni (World Snow Day) atap ótilmek.
- Astanadaǵy shańǵy merekesine Qazaqstannyń kóptegen qalalarynan ár túrli jastaǵy qatysýshylar keledi. Biz mektep oqýshylaryna ǵana emes, búldirshinder úshin de jarystar uıymdastyrdyq. Balalar sprıntine kishkentaı balalar qatysa alady, - deıdi «Halyqaralyq shańǵy jarysy federatsııasynyń» baspasóz hatshysy Aleksandr Veleşýk.
Jarys jeńimpazdaryn shańǵy jarysynan Olımpıada chempıony Vladımır Smırnov pen Olımpıada oıyndarynyń júldegeri Ivan Garanın marapattaıdy.
Qatysýshylardy tirkeý saǵat 11:00-de bastalady. Tirkeýden ótý úshin qatysýshynyń jeke basy men jasyn kýálandyratyn qujaty bolý kerek. Jarysqa qatysqysy keletinder 17 qańtarǵa deıin Halyqaralyq shańǵy jarysy federatsııasynda aldyn ala tirkeýden ótýleri kerek, dep habarlanǵan elorda ákimdiginiń resmı saıtynda.
