Astanada Dúnıejúzi qazaqtarynyń V quryltaıy ótedi
Dúnıejúzi qazaqtary qaýymdastyǵy tóraǵasynyń orynbasary Sultanáli Balǵabaevtyń habarlaýynsha, quryltaı barysynda sheteldegi qazaq mádenı ortalyqtaryn qarjylandyrý, basqa da kómek kórsetý, sheteldik jastardy Qazaqstanǵa bilim alýǵa shaqyrý syndy máseleler talqylanatyn bolady.
«Quryltaıdyń maqsaty - sheteldegi qazaqtardy Qazaqstanǵa kóshýge yntalandyrý, olardyń qandaı qajettilikteri baryn anyqtaý», - deıdi Balǵabaev.
Uıymdastyrýshylardyń aıtýynsha, bıylǵy quryltaıǵa shaqyrylǵandardyń basym kópshiligi - ártúrli salada jetistikterge jetip júrgen sheteldik qazaq jastary. Quryltaıǵa 40-tan astam memleketten 350 adam jáne ártúrli halyqaralyq uıymdardyń ókilderi qatysady dep kútilýde.
Dúnıejúzi qazaqtarynyń I quryltaıy 1992 jyly Almatyda, II quryltaıy 2002 jyly Túrkistanda ótkizilgen bolatyn. Al odan keıingi quryltaılar 2005 jáne 2011 jyldary elordamyz Astanada ótti.
