Astanada «Dýman» OSO mańynda kólik órtendi
ASTANA. QazAqparat - Elordadaǵy «Dýman» oıyn-saýyq ortalyǵynyń qarama-qarsy betinde «Mersedez benz» kóligi órtendi, dep habarlaıdy «QazAqparat» HAA QR ІІM Tótenshe jaǵdaılar komıtetiniń resmı ókili Rýslan Imanqulovqa silteme jasap.
«16 aqpanda saǵat shamamen 17:26 kezinde «101» qyzmetine «Dýman» oıyn-saýyq ortalyǵynyń qarama-qarsy betinde «Mersedes bents» kóliginiń otqa oranǵany týraly habar kelip tústi. Oqıǵa ornyna órt sóndirýshiler kelip, kóliktiń salony men bagajy otqa oranǵanyn anyqtady», - dep habarlaıdy Rýslan Imanqulov.
Órt sóndirýshiler kóp ótpeı tilsiz jaýdy aýyzdyqtaǵan. Órtti sóndirýge jeke quramnan 1 adam men 2 arnaıy tehnıka jumyldyryldy.
«Zardap shekkender men jaraqat alǵandar joq. Órt saǵat 17:34 kezinde tolyq sóndirildi. Tilsiz jaýdyń shyǵý sebebi anyqtalyp jatyr», - delingen habarlamada.
