Astanada dúkenderdiń birinde bolǵan órt kezinde bir áıel qaza tapty - Tótenshe jaǵdaılar mınıstrligi
ASTANA. Naýryzdyń 4-i. QazAqparat - Astanada dúkenderdiń birinde bolǵan órt kezinde bir áıel mert boldy,
dep habarlady Tótenshe jaǵdaılar mınıstrliginiń baspasóz qyzmetinen.
Vedomstvonyń aqparaty boıynsha, órt beısenbi kúni saǵat 03.45-te Saryarqa aýdanynda Gertsen jáne Novaıa kósheleriniń qıylysynda ornalasqan «Bulqııat» dúkeninde oryn alǵan. Dúkenniń jalpy aýdany 50 sharshy metrdi quraıdy. Órtti sóndirý kezinde oqıǵa ornynan bir áıeldiń máıiti tabyldy, onyń tulǵasy ázirge anyqtalǵan joq.
Órt oshaǵy Tótenshe jaǵdaılar departamenti órt sóndirý qyzmetiniń kúshimen saǵat 07.12-de aýyzdyqtaldy.
