Astanada dronnyń kómegimen túrmege esirtki kirgizbek bolǵandar ustaldy

ASTANA. KAZINFORM – Polıtsııa qyzmetkerleri dronnyń kómegimen kolonııaǵa marıhýana jetkizbek bolǵandardyń jolyn kesti.

Polisia.kz-tiń málimetinshe, tártip saqshylary Mıhaılovka-Arshaly avtojolynda Kia K5 avtokóligin toqtatqan.

Anyqtalǵandaı, kólikti buryn bas bostandyǵynan aıyrý ornynda jazasyn ótegen er adam júrgizgen. Sondaı-aq, avtokólikte taǵy eki er adam bolǵan, onyń bireýi buryn Astana qalasy Qylmystyq-atqarý júıesi departamenti №2 mekemesinde jazasyn ótegen.

«Avtokólikti tintý barysynda ósimdik tektes zattary bar eki túinshek, sondaı-aq, esirtkini kolonııa aýmaǵyna jetkizý úshin qoldanǵan dron tárkilendi», - delingen aqparatta.

Saraptama nátıjesi boıynsha salmaǵy 23,7 g marıhýana tárkilendi. Ustalǵandarǵa qatysty sotqa deıingi tergeý amaldary júrip jatyr. Arshaly aýdandyq Polıtsııa bólimi ózara is-qımyl jasaı otyryp, №2 mekemeniń qyzmetkerleri tárkilegen esirtkini yqtımal alýshyny anyqtaý boıynsha is-sharalar júrgizýde.