Astanada «Dopıng» is-sharasy barysynda zańsyz aınalymnan 19 keliden astam esirtki zattary men prekýrsorlar alyndy
ASTANA. Qyrkúıektiń 10-y. QazAqparat /Gúlmıra Álıakparova/ - Astanada qyrkúıektiń 6-12 kúnderi aralyǵynda «Dopıng» shuǵyl- aldyn alý is-sharasynyń úshinshi kezeńi ótkizilip jatyr.
Іs-shara qala aýmaǵyna kontrabandalyq jolmen jetkizilip, shyǵarylyp jatqan arnalardy sonymen birge, baqylaýǵa jatatyn psıhotroptyq zattar men prekýrsorlardy tirkeýdi buzý faktilerin anyqtaýǵa baǵyttaldy.
Shara bastalǵaly 5 qylmystyq is qozǵaldy, olardyń bireýi - esirtkini satýmen aınalysqan tulǵaǵa qatysty. Sonymen birge, 3 ákimshilik qujat toltyrylyp, prekýrsorlardy saqtaý jáne tirkeýdi buzýǵa qatysty 2 fakti anyqtaldy.
Barlyǵy zańsyz aınalymnan 19 keliden astam esirtki zattary men prekýrsorlar tárkilendi, onyń 13 gramy - geroın.
Іshki ister departamentiniń málimetine sáıkes, jyl basynan beri «Rýbej» beketterinde esirtkini tasymaldaýdyń 78 faktisi anyqtaldy: zańsyz aınalymnan 55 keli esirtki alyndy, 10 adam qylmystyq, 68- ákimshilik jaýapkershilikterge tartyldy.
