Astanada donorlyq júrekti aýystyryp salý boıynsha ekinshi operatsııa sátti ótti
ASTANA. 16 qarasha. QazAqparat - Astanada donorlyq júrekti aýystyryp salý operatsııasy sátti aıaqtaldy. Bul týraly astana.kz saıtyna «Ulttyq ǵylymı kardıohırýrgııalyq ortalyq» AQ baspasóz qyzmetinen habarlady.
«UǴKO» AQ transplantatsııa bıýrosyna Almaty qalasynyń jedel medıtsınalyq kómek aýrýhanasynda bas mıy ólgen áleýetti donordyń bar ekendigi týraly aqparat kelip tústi, onyń týysqandary múshelerin basqa adamdarǵa transplantatsııalaýǵa óz erikterimen ruqsat berdi. Ortalyq basshysy ıÝ.V. Pıa bastaǵan 7 adamnan qurylǵan elordalyq mamandar brıgadasy Almatyǵa attandy. Osy kezden bastap medıtsınalyq mekemeniń mamandary donorlyq júrekti aýystyryp salý úshin retsıpıentti irikteýge kiristi. Kóp márte tekserýden ótkennen keıin barlyq kórsetkishter boıynsha saı keletin retsıpıent - sońǵy jarty jyl boıy aýyr halde jatqan Almaty qalasynyń turǵyny bolyp shyqty.
Aıta keteıik, júrekti tasymaldaý erekshe OrganCareSystem (TransMedics, AQSh) apparatymen júzege asyryldy. Atalǵan júıe álemniń jetekshi úsh klınıkasynda ǵana qoldanylady, AQSh-ta, Avstralııada Germanııada, al endi Qazaqstanda da bar. Donorlyq júrek Astanaǵa kelesi kúni tańerteń jetkizildi. Júrekti aýystyryp salý boıynsha operatsııa sátti ótti. Qazirgi ýaqytta patsıenttiń jaǵdaıy turaqty.
