Astanada dóńgelekterdi jóndeý sheberhanasynda bolǵan órt ornynan 23 jastaǵy er adamnyń múrdesi tabyldy
ASTANA. 28 qarasha. QazAqparat - Astanada dóńgelekterdi jóndeý sheberhanasynda bolǵan órt saldarynan 23 jastaǵy er adam qaza tapty, dep habarlaıdy QR TJM.
Seısenbi, 27 qarasha kúni Pýshkın kóshesinde ornalasqan dóńgelekterdi jóndeý sheberhanasy úshin jabdyqtalǵan metall konteınerde órt boldy.
Jalyn tili 2 sharshy metr aýmaqqa tarady. TJ ornynda 23 jastaǵy er adamnyń múrdesi tabyldy. Jalyn QR TJM qutqarý bólimsheleriniń kelýine deıin aýyzdyqtalyp, sóndirildi.
Sol kúni Batys Qazaqstan oblysynyń Janǵaly aýdanyndaǵy «Ánýar» sharýa qojalyǵynda sharýashylyq qurylystary men 170 tonna shóp órtendi. Jalyn tili 250 sharshy metr aýmaqqa tarady. Qaza tapqandar men zardap shekkender joq.
TJ-ny joıýǵa QR TJM Batys Qazaqstan oblystyq TJD órt sóndirý qyzmetiniń 3 adamy men 1 tehnıkasy, Pıatımarskıı aýyldyq okrýgindegi erikti órt sóndirýshiler qurylymynyń 10 adamy men 1 tehnıkasy jumyldyryldy.
