Astanada dóńgelek aýystyryp jatqan avtobýs júrgizýshisi kóz jumdy
ASTANA. QazAqparat - Elordada qalalyq jolaýshylar avtobýsynyń júrgizýshisi kóz jumdy, dep habarlaıdy QazAqparat tilshisi «Astana LRT» baspasóz qyzmetine silteme jasap.
«18 sáýirde saǵat 08:30 kezinde Hyundai County markaly №120 baǵdardaǵy avtobýstyń aldyńǵy dóńgelegin aýystyrý kezinde kólik quralynyń júrgizýshisi qaıtys boldy. Oqıǵa «Shanhaı» bazary baǵytynda Bógenbaı batyr dańǵylyndaǵy «Beıbitshilik» aıaldamasynda boldy», - delingen habarlamada.
Sonymen qatar atalǵan kompanııanyń málimetinshe, júrgizýshiniń ne sebepti kóz jumǵany ázirge belgisiz. Ol medıtsınalyq tekserýden ótip, jumysqa jiberilgen eken. Jolaýshylar kóligindegi onyń jalpy eńbek ótili 10 jyldan asqan.
