Astanada doner kafesi órtendi
ASTANA. KAZINFORM – Astanada doner kafesi órtendi. Aldyn ala boljam boıynsha órttiń aýdany 80 sharshy metr.
Oqıǵa ornyna, Baıqońyr aýdanyndaǵy doner kafesi janyp jatqan aýmaqta elordalyq qutqarýshylar jumys istep jatyr. Órtti sóndirýge jeke quramnyń 20-dan astam adamy jáne 4 birlik arnaıy tehnıkasy jumyldyryldy.
Tótenshe jaǵdaılar mınıstrliginiń baspasóz qyzmeti zardap shekkender týraly aqparat túspegenin málimdedi.
Órtti sóndirý barysynda aldyn ala boljam boıynsha gaz ballondarynan 4-5 tarsyl boldy. Kafedegi órt oqshaýlandy.
