Astanada dóner dúńgirshegindegi órtke qatysty qylmystyq is qozǵaldy
ASTANA. QazAqparat - Astana dóner dúńgirshekteriniń birindegi gaz ballonynyń jarylýyna qatysty sotqa deıingi tergeý jumystary bastaldy, dep habarlaıdy QazAqparat tilshisi.
«Atalǵan fakt sotqa deıingi tergeýdiń biryńǵaı reestrine tirkeldi. QR Qylmystyq kodeksiniń 292-baby, 1-bólimi (órt qaýipsizdigi talaptaryn buzý) boıynsha tergeý jumystary júrip jatyr.
Órt-tehnıkalyq saraptamalar taǵaıyndaldy. Kósheden kezdeısoq ótken bir jaıaý júrginshi áınek synyqtarynan zardap shekti. Oǵan medıtsınalyq kómek kórsetildi», - dep habarlady Astana ІІD baspasóz qyzmetiniń jetekshisi Sofıa Qylyshbekova.
Buǵan deıin habarlanǵandaı, 23 qarasha kúni saǵat 17:47-de Manas kóshesindegi órt týraly habarlama kelip túsken. Órt ornyna kelgen birinshi órt bólimshesi dúńgirshekte gaz ballonynyń jarylǵanyn jáne 40 sharshy metr aýmaqtyń órtengenin anyqtady.
