Astanada «Dombyra Party» men «Asyq Party» ótedi

ASTANA. QazAqparat - Erteń, naýryzdyń 17-si kúni «Alaý» muz saraıynda Ulystyń Uly kúni - Naýryz meıramyn toılaýǵa arnalǵan sharalar bastalady, dep habarlaıdy QazAqparat tilshisi atalǵan mekemeniń baspasóz qyzmetine silteme jasap.

Muz aıdynynda jappaı syrǵanaýdyń kóktemgi kezeńi «Dombyra Party» merekelik is-sharasymen ashylady. Atalǵan shara keshki saǵat 19:00-de bastalady. Kóktemgi syrǵanaý marafony naýryzdyń 26-syna deıin jalǵasady. Al naýryzdyń 19-y kúni saǵat 15:00-de  «AsyqParty» uıymdastyrylady. Sonyń aıasynda asyq atýdan jarystar ótkiziledi. Oǵan  Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynyń akterleri jáne «Jastar» teatrynyń akterleri qatysady degen jospar bar. Óz erkimen qatysatyndar da óz baqtaryn synaı alady. Jarystyń basty maqsaty - Uly merekeni ulyqtaýmen qatar ulttyq oıyndy dáripteý.

Naýryzdyń 22-si kúni de ol jerde merekelik sharalar ótedi. Saǵat 12:00-de jazýshy, sınhrondyq aýdarmashy Qamal Alpeısovanyń «Tusaý kesý» rásimi, «Muzdaǵy alǵashqy qadam», «Qyz qýý» oıyndary uıymdastyrylady. Sharaǵa «Svetoch» balalar úıiniń tárbıelenýshileri shaqyrylyp otyr.