Astanada «Dombyra Party» ádebı-mýzykalyq keshi ótti
ASTANA. KAZINFORM — Astanada Ulttyq dombyra kúni jáne qala kúnine oraı Nurjol jelekjolynda ashyq aspan astynda «Dombyra Party» atty ádebı-mýzykalyq kesh ótti.
Іs-sharanyń basty maqsaty — qazaq halqynyń qasıetti ulttyq aspaby — dombyrany keńinen nasıhattaý, jastardyń ulttyq mádenıetke degen qyzyǵýshylyǵyn arttyrý.
«Dombyra Party» — árbir qatysýshy ashyq mıkrofon formatynda óz ónerin erkin kórsete alatyn erekshe shyǵarmashylyq alańy. Kesh barysynda jınalǵan qaýym dombyranyń kúmbirlegen únin tyńdap qana qoımaı, án shyrqap, kúı oryndap, óleń oqyp, bı bılep, ónerpazdarǵa qoldaý kórsetti.
Іs-shara qatysýshylarǵa shyǵarmashylyq arqyly týǵan jerge, ulttyq mádenıetke degen qurmetin bildirýge múmkindik berdi.
Óz ónerin ortaǵa salǵan barlyq qatysýshy uıymdastyrýshylar tarapynan estelik syılyqtarmen marapattaldy. «Dombyra Party» — tek mýzykalyq mereke ǵana emes, shabyt pen shyǵarmashylyqqa toly, barshaǵa ashyq mádenı keńistikke aınaldy.
Aıta ketelik ıÝNESKO Qazaqstan halqyn Dombyra kúnimen quttyqtady.
