Astanada dombyra kúnine oraı shoý-kontsert ótedi

ASTANA. KAZINFORM – 7 shildede EKSPO aýmaǵynda Ulttyq dombyra kúnine arnalǵan «Zamanaýı dombyra» merekelik shoý-kontserti ótedi, dep habarlaıdy Astana ákimdiginiń resmı saıty.

Kontserttik baǵdarlamanyń tujyrymdamasy – zamanaýı baletpen ushtastyra otyryp, qazaq etnıkalyq dombyra aspabynyń áleýetin zertteýge jáne kórsetýge baǵyttalǵan mýltımedııalyq ınteraktıvti tehnologııalardy paıdalana otyryp, mýzykalyq perfomans daıyndaý.

Іs-sharany uıymdastyrýshylar atap ótkendeı, mýzykanttardyń, sýretshilerdiń, balet ártisteriniń jáne grafıkalyq mamandardyń yntymaqtastyǵy arqyly dombyra basty ról atqaratyn ınnovatsııalyq dybystyq jáne kórneki shyǵarma jasalady.

Shoý tanymal qazaqstandyq oryndaýshylar, sondaı-aq elorda turǵyndary men qonaqtary arasynda ulttyq aspapty keńinen dáripteýge baǵyttalǵan.

Merekelik kontserttiń júrgizýshileri: Marat Oralǵazın men Erkebulan Myrzabek.

Kesh qonaqtary: Kalifarniya, Aqtoty Bolshova, «Qorqyt» etno-folklorlyq ansambli, «Serper» vırtýozdar dombyrashylar ansambli, «SAZ» etno toby, «Steppe Sons», «Assyl», «T&Y», «Art-dombyra», «Aldaspan», Dj Godýnov.

Іs-shara EKSPO aýmaǵynda 7 shildede saǵat 18:00-de ótedi.