Astanada Dombyra kúnine oraı mýltımedıalyq shoý ótedi
ASTANA. KAZINFORM — 5 shilde elordada Ulttyq dombyra kúni jáne Astana kúni aıasynda jańa formattaǵy mýltımedıalyq qoıylym ótedi, dep habarlaıdy elorda ákimdiginiń resmı saıty.
Mádenı is-shara dombyra óneriniń tarıhı mańyzyn keńinen tanytýǵa, ulttyq aspaptar arqyly urpaqtar sabaqtastyǵyn nyǵaıtýǵa jáne qazaq mádenıetiniń zamanaýı sahnalyq formattaǵy kórkem kórinisin usynýǵa baǵyttalǵan.
Tarıhı ańyzdyń kórkemdik jelisi mýzyka, bı, beıneproektsııa jáne zamanaýı sahnalyq tehnologııalar arqyly usynylady. Mýltımedıalyq qoıylymnyń maqsaty – ulttyq ónerdiń ýaqytpen birge jańaryp, jańa kórkemdik keńistikke shyqqanyn kórsetý.
Sonymen qatar, saǵat 12:00-den 20:00-ge deıin elordalyq amfıteatr aýmaǵynda mádenı baǵdarlama aıasynda balalarǵa arnalǵan birqatar taqyryptyq alań jumys isteıdi.
Dombyra jáne jetigen alańy: balalarǵa dombyra men jetigende oınaýdyń bastapqy daǵdylary úıretilip, ulttyq aspaptardyń ereksheligi tanystyrylady.
Ulttyq aspaptar jasaý alańy: qazaq mýzykalyq aspaptaryn jasaý boıynsha sheberlik sabaqtary ótkiziledi.
Shyǵarmashylyq alań: balalarǵa arnalǵan sýret salý sabaqtary men shyǵarmashylyq sheberlik sabaqtary uıymdastyrylady.
Ashyq aspan astyndaǵy kıno kórsetilimi: mádenı is-shara aıasynda kórermenderge ashyq aspan astynda kıno kórsetiledi.
Sondaı-aq, saǵat 20:00-de amfıteatrda kontserttik baǵdarlama bastalady.
Budan buryn dombyrany haram degen aqtóbelik bas bostandyǵynan aıyrylǵanyn jazǵanbyz.
