Astanada dinı-ekstremıstik uıymnyń 12 múshesi sottaldy
ASTANA. KAZINFORM – 27 mamyrda dinı-ekstremıstik uıymnyń áreketin uıymdastyrdy jáne oǵan qatysy bar degen aıyppen 12 qazaqstandyq boıynsha sot úkimi zańdy kúshine endi. Bul týraly UQK baspasóz qyzmeti habarlady.
Júrgizilgen tergeý barysynda, sottalǵandardyń Qazaqstan aýmaǵynda dinı alaýyzdyqty qozdyrý, terrorıstik jáne ekstremıstik ıdeologııany taratý maqsatyn kózdep, sondaı-aq jańa jaqtastardy tartýmen aınalysqany anyqtaldy.
— Astana qalasynyń qylmystyq ister jónindegi mamandandyrylǵan aýdanaralyq sotymen olar 9 jyldan 18 jylǵa deıin bas bostandyǵynan aıyryldy, — delingen UQK habarlamasynda.
Sottalǵandardyń kóbi buryn aýyr qylmystar, sonyń ishinde polıtsııa qyzmetkerin óltirý, qaraqshylyq, tonaý, adam urlaý jáne esirtki zattaryn ótkizý úshin sottyly bolǵan.
Aıta ketelik UQK Aqmola oblysynda jarylǵysh zattardyń zańsyz aınalymyn toqtatqan edi.