Astanada «Dıvo Mıra» festıvaliniń fınaly ótedi

ASTANA. KAZINFORM – Astanada alǵash ret 10-13 maýsym aralyǵynda «Dıvo Mıra» halyqaralyq týrıstik kınofestıvaliniń fınaly ótedi. 

Týrıstik kıno Qazaqstandy dúr silkindirmek: Astanada «Dıvo Mıra» festıvaliniń fınaly ótedi.

10-13 maýsym aralyǵynda Astana álemdik týrıstik kınonyń ortalyǵyna aınalady. Elorda qazirdiń ózinde qazaqstandyq týrızmniń jańa perspektıvalaryn ashatyn «Dıvo Mıra» halyqaralyq týrıstik kınofestıvaliniń premerasyna daıyndalyp jatyr. 

Kınofestıvaldiń ashylýy 10 maýsym kúni saǵat 17.00-de Kereı-Jánibek handar, 18 meken-jaıynda ótedi.

Festıval-baıqaý Reseıde de, TMD elderinde jáne basqa da elderde týrızmdi ilgeriletýge, sondaı-aq týrıstik baǵyt retinde aımaqtardyń ekonomıkasyn yntalandyrýǵa baǵyttalǵan. Ótkiziletin oryn retinde Astananyń tańdalýyna qaladaǵy kirý jáne ishki týrızmniń belsendi damýy sebep bolyp otyr.

Festıval Astana qalasyn damytý ortalyǵy men Aqmola oblysynyń týrızm basqarmasynyń qoldaýymen Belarýs, Qazaqstan, Qytaı, Reseı, Ózbekstan jáne basqa da elderdiń eń kórnekti beınematerıaldaryn usynady. Baıqaýǵa qatysýshylar 30-dan astam nomınatsııa boıynsha baq synasady.

Qatysýshylardyń jumysyn beıne, marketıng, teledıdar, týrıstik medıa jáne vıdeoblogıng ındýstrııasynyń jetekshi ókilderinen turatyn sarapshy qazylar alqasy baǵalaıdy.

Qatysý sharttary men nomınatsııalar tizimi divo.su resmı saıtynda ornalastyrylǵan.