Astanada Disneyland salyna ma – mınıstrlik jaýaby

ASTANA. KAZINFORM – Elordada jańa týrıstik keshen salynady. Biraq ol Disneyland emes. Jańa joba týraly Týrızm jáne sport vıtse-mınıstri Erjan Erkinbaev aıtyp berdi.

- Atalǵan joba boıynsha ilgerileý bar. Bul Disneyland dep naqty aıta almaımyz, biraq qazirdiń ózinde iske asyrylyp jatqan jobalar ishinde Astanada týrıstik keshen qarastyrylǵan. Bul — quramynda úlken oıyn-saýyq parki bar, qazir joba júzege asyrylý barysynda. Iá, mundaı jospar bar. Biraq bul Disneyland emes, - dedi Erjan Erkinbaev Úkimet otyrysynan keıin ótken baspasóz máslıhatynda.

Vıtse-mınıstrdiń málimdeýinshe, atalǵan keshen elordadaǵy «Barys Arena» muz saraıynyń mańynda ornalasady. Jobaǵa sheteldik ınvestor qarjy quıyp otyr.

- Qazir jobany júzege asyrý bastaldy, ol jerde tek oıyn-saýyq ortalyǵy ǵana emes, sonymen qatar úlken saýda ortalyǵy men halyqaralyq deńgeıdegi qonaqúıdi qamtıtyn aýqymdy keshen. Bul nysan elordamyzdaǵy mańyzdy týrıstik alańǵa aınalady dep oılaımyz. 2027 jyly keshenniń týrıstik bóligi paıdalanýǵa beriledi, - dep tolyqtyrdy mınıstrdiń orynbasary.

Eske salsaq, elordada Disneyland salynatyny byltyr aıtylǵan edi. 

Buǵan deıin elimizde gıd mamandaryn daıarlaýy múmkin ekendigi týraly habarlaǵan edik. 

Odan bólek, Týrızm jáne sport mınıstri elimizge kelip aldanyp qalatyn sheteldik týrıster máselesin sheshý joldaryn atady. 

Aıta keteıik, elimizde týrısterge arnalǵan, jasandy ıntellektige negizdelgen TravelStan mobıldi qosymsha ázirlenedi.