Astanada «Dinaralyq tatýlyq - táýelsizdiktiń tiregi» atty shyǵarmashylyq baıqaý ótedi
ASTANA. QazAqparat - Qazaqstan Respýblıkasynyń 25 jyldyǵyna oraı Astana qalasy ákimdiginiń Din problemalaryn zertteý ortalyǵy Din isteri jónindegi basqarmamen birlesip «Dinaralyq tatýlyq - táýelsizdiktiń tiregi» shyǵarmashylyq baıqaýyn ótkizedi. Sharaǵa gýmanıtarlyq jáne shyǵarmashylyq mamandyqtardyń orta bilimnen keıingi deńgeıiniń stýdentteri, jýrnalıster men kásipqoı dızaınerler qatysady, dep habarlaıdy qalalyq ákimdiktiń baspasóz qyzmeti.
Sharanyń maqsaty - dinı emes aǵymdardyń áser etý qaýipiniń aldyn alý salasyndaǵy ózekti máseleler jóninde aqparat taratý boıynsha jastardyń shyǵarmashylyq múmkindikterin damytý jáne qoldaý, elimizdiń dástúri men mádenıetine saı dinı sana-sezimdi qalyptastyrý. Sonymen qatar, din máselelerine qatysty oqıǵalardy ádil jáne qasaqana emes jarııalaıtyn BAQ ókilderi yntalandyrylatyn bolady.
Baıqaý úsh nomınatsııa boıynsha ótedi: «Eń úzdik maqala, maqalalar toptamasy», «Eń úzdik kórnekti týyndy», «Eń úzdik beıneshyǵarma nemese stsenarıı». Ár nomınatsııada júldeli úsh oryn bolady.
Baıqaýǵa qatysýǵa ótinimder 2016 jyldyń 20 qyrkúıegine deıin baiqau@mail.ru elektrondyq poshtasy boıynsha qabyldanady. Tolyq aqparatty + 7701 173 23 76, + 7747 666 27 04 telefondary boıynsha jáne religii.kz saıtynan alýǵa bolady.
