Astanada din lıderleriniń VI Sezine ázirlik máselesi talqylandy

ASTANA. QazAqparat - Búgin Parlament Senatynyń tóraǵasy, Álemdik jáne dástúrli dinder lıderleri Sezi hatshylyǵynyń basshysy Qasym-Jomart Toqaev Álemdik jáne dástúrli dinder lıderleriniń VI Sezine ázirlik jónindegi memlekettik komıssııanyń kezekti otyrysyn ótkizdi. Bul týraly QazAqparat Senattyń baspsóz qyzmetine silteme jasap habarlaıdy.

Dinı forým «Dinı kóshbasshylar qaýipsiz álem jolynda» taqyrybymen 2018 jylǵy 10-11 qazanda Astanada ótedi.

Syrtqy ister mınıstri Qaırat Ábdirahmanov, din isteri jáne azamattyq qoǵam mınıstri Darhan Kaletaev, mádenıet jáne sport mınıstri Arystanbek Muhamedıuly, Astana ákiminiń orynbasary Ermek Amanshaev VI Sezge ázirlik jónindegi atqarylǵan jumystar týraly sóz sóıledi.

Qazirdiń ózinde 74 delegat Sezge qatysatyndaryn rastady, forýmnyń Qorytyndy deklaratsııasy boıynsha jumystar júrgizilýde. VI Sezd aıasynda Beıbitshilik pen kelisim murajaıynyń ashylýy jáne «Astana - beıbitshilik daýysy» halyqaralyq festıvali ótedi.

Q.Toqaev memlekettik komıssııa múshelerine birqatar tapsyrmalar berdi. Senat Tóraǵasy is-sharany uıymdastyrýdyń joǵary deńgeıin jáne onyń aqparattyq qoldaýyn qamtamasyz etý qajettiligine nazar aýdartty.