Astanada Dımash Qudaıbergenniń kontsertine baılanysty kólik qozǵalysy shekteledi
ASTANA. QazAqparat - 27 maýsym kúni saǵat 20.00-de «Astana Arena» stadıonynda Dımash Qudaıbergenniń kontserti ótedi, osyǵan baılanysty Turan jáne Qabanbaı batyr dańǵyldary boıynda kólik qozǵalysyna shekteý qoıylady, dep habarlaıdy Astana qalalyq ІІD Jergilikti polıtsııa qyzmeti.
Saǵat 19.00-den bastap kontsert aıaqtalǵanǵa deıin Turan jáne Qabanbaı batyr dańǵyldarynan, Jánibek, Kereı handar kóshesinen Uly dala kóshesine deıingi aralyqtaǵy kólik qozǵalystary shekteledi. Máńgilik el, Túrkistan, Aqmeshit kóshelerimen aınalyp ótýge keńes beriledi.
Dımash Qudaıbergen óner kórsetetin kúni stadıonǵa №10, 12, 27, 37, 40, 51, 53, 501, 502, 503, 505, 506 qoǵamdyq kódikterimen jetýge bolady.
Saǵat 18.00-den bastap tórt jerden: «Qazaqstan» SK avtoturaǵy, «Nur Astana» meshitiniń aldy, elordalyq tsırk avtoturaǵy jáne «Jastar» saraıy aldynan kórermenderdi «Astana Arenaǵa» jetkizetin arnaıy kólikter uıymdastyrylady.
Arnaıy reıs avtobýstaryndaǵy jol aqysy 90 jáne 150 teńgeden, jol júrý bıletteri jaramsyz.
Kontsert aıaqtalǵannan keıin osy reıstik avtobýstarmen nemese № 10, 12, 27, 37, 28, 40, 51, 53, 501, 502, 503, 505, 506 qoǵamdyq kólikterimen qalaǵa jetýge bolady.
