Astanada «Digital Bridge» halyqaralyq tehnologııalyq forýmy ótedi
NUR-SULTAN. QazAqparat – Bıyl qazan aıynda astanada QR Prezıdenti Qasym-Jomart Toqaevtyń bastamasymen dástúrli «Digital Bridge» halyqaralyq tehnologııalyq forýmy ótedi, dep habarlaıdy QazAqparat tilshisi.
Sharany QR Tsıfrlyq damý, ınnovatsııalar jáne aeroǵarysh ónerkásibi mınıstrligi, «Zerde» holdıngi, Astana Hub ІT-startaptar halyqaralyq tehnoparki «Qazaqtelekom» AQ, ERG jáne BTS Digital-men birge uıymdastyryp otyr.
«Zerde» UAH» AQ basqarma tóraǵasynyń orynbasary Pavel Koktyshevtiń aıtýynsha, forýmda Qazaqstandaǵy tsıfrlyq ekojúıeniń ózekti máseleleri talqylanady.
«Digital Bridge» forýmyn ótkizýdegi basty maqsat – Qazaqstannyń ınnovatsııalyq ekojúıesi qatysýshylarynyń arasynda dıalog alańyn qurý, Shanhaı yntymaqtastyq uıymyna qatysýshy elder arasyndaǵy zamanaýı tehnoparkter tizbegin qalyptastyrý.
Forým aıasynda ótetin basty shara - Next Tech Entrepreneur Forum strategııalyq sessııasy. Onda bolashaqtaǵy bilim berý, venchýr qarjylandyrý, kıbersport, bıznes-ınkýbatsııa, tsıfrlyq medıa sııaqty taqyryptar talqylanady. Ári qatysýshylar arasynda B2B kezdesýler ótedi.
Sondaı-aq forým aıasynda Qazaqstannyń ІT-ındýstrııasyn damytýǵa úles qosqandar marapattalatyn Astana Hub Awards saltanaty, tehnologııalyq startaptardyń saıysy – Astana Hub Battle ótedi.
Budan bólek, «Digital Bridge» forýmy aıasynda Astana IT University jáne Alem baǵdarlamalaý mektepteri resmı túrde ashylady, «Digital HQO» servısteri kórsetiledi.
Avtor: Sara Qabıqyzy
