Astanada Devıs Kýbogynyń pleı-off oıyndary ótedi
ASTANA. 23 tamyz. QazAqparat - Qyrkúıektiń 14-16-sy kúnderi Astanadaǵy Ulttyq tennıs ortalyǵynda Devıs Kýbogynyń pleı-off oıyndary aıasynda Qazaqstannyń quramasy ózbek tennısshilerimen kezdesedi.
Osy týrnırdiń jeńimpazy 2013 jyly Devıs Kýbogy úshin álemdik jarystarǵa qatysa alady. Al jeńilgen komanda jarys jolynan shyǵady. Jerebe boıynsha Qazaqstan Ózbekstanmen kúsh synasyp kórse, basqa týrnırler «Reseı - Brazılııa», «Germanııa - Avstralııa», «Izraıl - Japonııa», «Shvetsııa - Belgııa» «Kanada - Ońtústik Afrıka Respýblkasy», «Italııa - Chılı», «Shveıtsarııa - Gollandııa» formatynda ótetin boldy.
Aıta keteıik, Devıs Kýbogynyń sońǵy reıtıngisine sáıkes, Qazaqstan 9-shy orynda tur. Al Ózbekstannyń qurama komandasy 21-shi orynǵa ıe.
