Astanada Devıs kýbogynyń irikteý matchtary ótedi

ASTANA. KAZINFORM – 6-7 aqpan kúnderi Astanada tennısten Devıs kýbogy irikteý kezeńiniń matchtary ótedi.

Qazaqstannyń erler quramasy birinshi álemdik top aıasynda elıtadaǵy ornyn saqtaý úshin Monako quramasymen kezdesedi.

Óz alańynda ótetin matchtarǵa Qazaqstan quramasy barynsha myqty qurammen shyǵady. Bapkerler shtaby barlyq kóshbasshy oıynshylardy sapqa qosty. Elordalyq kortta Aleksandr Býblık, Aleksandr Shevchenko, Beıbit Juqaev, Tımofeı Skatov, Dmıtrıı Popko jáne Denıs Evseev óner kórsetedi.

Matchtar Beeline Arena ulttyq tennıs ortalyǵynyń jabyq hard kortynda ótedi. Týrnır baǵdarlamasyna tórt jekeleı match jáne bir juptyq kezdesý engizilgen.

Qazirgi tańda Qazaqstan erler quramasy Davis Cup Nations Ranking reıtınginde 31-orynda tur. Al Monako quramasy 44-satyda ornalasqan.

Aıta keteıik, Qazaqstandyq tennısshiler álemdik reıtıngide joǵary kóterildi.