Astanada densaýlyq saqtaý forýmy ótti

Bul forým Eýropalyq Odaqtyń «Ortalyq Azııa Invest» baǵdarlamasynyń qoldaýymen «Qazaqstanda, Ózbekstanda jáne Qyrǵyzstanda turaqty seriktestik qarym-qatynasty qurý: densaýlyq saqtaý sektorynda Orta jáne Ortalyq Azııa elderdegi deldal uıymdardyń rolin nyǵaıtý» jobasynyń sheńberinde ótti, dep habarlaıdy QazAqparat Densaýlyq saqtaý mınıstrliginiń baspasóz qyzmetine silteme jasap.

Forýmnyń maqsaty - kásibı qaýymdastyqtar men Qazaqstan Úkimetiniń arasynda dıalogty yntalandyrý, Eýropa Odaǵy, Qazaqstan jáne tutastaı Ortalyq Azııa aımaǵy arasyndaǵy yntymaqtastyqty nyǵaıtý. Bul forým Qazaqstannyń Eýropadaǵy qaýipsizdik pen yntymaqtastyq uıymyna tóraǵalyq etip jatqan jyly ótkiziletini este qalarlyq, dedi Forýmǵa qatysýshylar. Kún tártibinde - densaýlyq saqtaý salasyndaǵy máselelerdi sheshý, ozyq medıtsınalyq tehnıkany engizý jáne qoldaný tóńireginde tájirıbe almasý, Eýropa Odaǵy elderinde shyǵarylǵan medıtsınalyq jabdyqty satyp alý kezinde joǵary tehnologııaly medıtsınalyq tehnıkamen jumys isteıtin mamandardyń jetkiliksizdine baılanysty týyndaıtyn problemalar jáne medıtsınalyq tehnıkamen jumys isteý úshin biliktilikti únemi arttyrý qajettiligi máseleleri talqylanǵan.

Jıynǵa SPECTARIS nemis joǵary tehnologııalar qaýymdastyǵy, «Qazaqstannyń FarmMedIndýstrııa» qaýymdastyǵy, Medıtsınalyq tehnıkany jetkizýshiler qaýymdastyǵy, «Qazaqstannyń MedFarm» qaýymdastyǵy, Qazaqstan kásipkerleri forýmy, Germanııa ekonomıkasynyń Ortalyq Azııadaǵy ókildigi, Ózbekstan Respýblıkasynyń Tashkent oblysynyń saýda-ónerkásip basqarý palatasy, Bishkek iskerler klýby, Germanııa densaýlyq saqtaý salasyndaǵy konsaltıngtik kompanııalar odaǵy, FENIN Ispan salaaralyq birlestigi, sondaı-aq QR Densaýlyq saqtaý mınıstrligi qatysty.Sonymen qatar Forýmǵa kásibı qaýymdastyqtardyń ókilderi, Qazaqstan men Germanııanyń kásipkerleri, medıtsınalyq mekemelerdiń, oqý oryndary men ǵylymı orta ókilderi qatysty. Forýmda mınıstrlikter ókilderinen basqa «Astana Jańa Ýnıversıteti» AQ vıtse-prezıdenti Almaz Sharman, QR DSM Medıtsınalyq jáne farmatsevtıkalyq qyzmetti baqylaý komıtetiniń tóraǵasy Syzdyq Baımuqanov, Karl Tsaıs Medıtek kompanııasy basqarmasynyń tóraǵasy Ýlrıh Kraýss, Karl Shtorts GmbH jáne KoKG kompanııasynyń halyqaralyq bıznes- damý baǵytynyń basshysy Peter Lazer baıandamalar jasady. Forým sheńberinde «Ortalyq Azııanyń densaýlyq saqtaý sektorynda ımporttyq jabdyqpen jumys isteýde kásibı kadrlardyń tapshylyǵy. Aǵymdaǵy jaǵdaı jáne múmkin bolatyn sheshimder» degen taqyrypqa pikirsaıys ótti. Oǵan baıandamashylarmen birge qazaqstandyq kompanııalardyń ókilderi: «MedKontsept» JShS - Regına Sýbbotına, «Medıkýs Evrazııa» JShS- Qaırat Seısenov, «Respýblıkalyq dıagnostıkalyq ortalyq» AQ medıtsınalyq mekemesi - Shyńǵys Jańabaev, sondaı-aq Fraıbýrg qalasy Ýnıversıtettik klınıkasynan kelgen qonaqtar - Týttlıngen qalasy Joǵary kásibı oqý ornynyń professorlary d-r Kern jáne d-r Berdeker qatysty. Densaýlyq saqtaý forýmy Eýropa Odaǵy qarjylandyratyn joba sheńberinde iske asyrylady. Іs-shara aıaqtalǵan soń Forýmdaǵy nemis delegatsııasy Astana qalasynyń medıtsınalyq uıymdaryna - Ana men bala ulttyq ǵylymı ortalyǵyna, Respýblıkalyq dıagnostıkalyq ortalyqqa, Respýblıkalyq neırohırýrgııa ortalyǵyna bardy. Bul uıymdar sońǵy úlgidegi medıtsınalyq tehnıkamen jabdyqtalǵan jáne Ulttyq medıtsınalyq holdıng quramyna kiredi.