Astanada densaýlyq saqtaý basqarmasynyń jańa bastyǵy taǵaıyndaldy
ASTANA. Jeltoqsannyń 23-i. QazAqparat - Astanada densaýlyq saqtaý basqarmasynyń jańa bastyǵy taǵaıyndaldy. Basqarma bastyǵy Dáýlethan Esimov boldy,
dep habarlaıdy qala ákiminiń baspasóz qyzmeti.
«Qalalyq densaýlyq saqtaý basqarmasynyń jańa bastyǵyn tanystyrýǵa ruqsat etińizder. Oǵan Dáýlethan Serǵazyuly Esimov taǵaıyndaldy. Sizder ony jaqsy bilesizder. Osy jerdiń týmasy, ózderińizben birge jumys istegen, mindetti medıtsınalyq saqtandyrýdy engizýdi belsendi uıymdastyrýshylardyń biri boldy», - dedi Astana ákimi Imanǵalı Tasmaǵambetov búgin QR Densaýlyq saqtaý mınıstri Jaqsylyq Dosqalıevtyń qatysýymen qalalyq ákimdikte ótken keńeıtilgen keńeste.
46 jastaǵy D.Esimov buǵan deıin Astana qalasy boıynsha QR Densaýlyq saqtaý mınıstrligi Medıtsınalyq qyzmetter kórsetý salasyn baqylaý komıtetiniń departament dırektory bolyp jumys istegen.
