Astanada densaýlyq festıvali aıasynda buqaralyq júgirý uıymdastyrylady
ASTANA. QazAqparat - Qyrkúıektiń 5-inde Astana qalasynda «Densaýlyq festıvali-2015» sharasy ótedi. Festıval aıasynda shamamen 5 myń adam qatysatyn buqaralyq jappaı júgirýden jarys uıymdastyrylmaq.
Іs-shara aıasynda saıabaq ishinde densaýlyq qalashyqtary ornatylady, munda qala turǵyndary men qonaqtary medıtsınalyq keńester alýǵa múmkindik alady. Sondaı-aq qant dıabeti jáne basqa da aýrýlardy anyqtaý boıynsha shuǵyl testiler ótkiziledi, munymen qosa qan qysymyn ólshep kórýge bolady. Aqparattyq materıaldar da taratylyp, densaýlyqty kútý jóninde keńester beriledi. Sonymen qatar bul kúni saıabaqta sporttyq saıystar (taekvondo, karate, ulttyq kúres jáne t.b.) ótip, estrada ártisteri, kórkem shyǵarmashylyq ujymdar óner kórsetedi. Jappaı júgirýdiń jeńimpazdary salttanatty túrde dıplomdarmen jáne baǵaly syılyqtarmen marapattalady. Atap óteıik, «Densaýlyq festıvali» 1999 jylǵy qyrkúıek aıynyń birinshi jartysynan beri dástúrli túrde uıymdastyrylyp keledi, dep habarlaıdy elorda ákimdiginiń baspasóz qyzmetinen. Onyń maqsaty - halyq arasynda salaýatty ómir saltyn qalyptastyrý jáne dáripteý, sonyń ishinde dene belsendiligimen jáne sportpen shuǵyldaný, tıimdi tamaqtaný, zııandy ádetterden bas tartý jáne óz densaýlyǵyna degen úlken jaýapkershilikti sezindirý. Osyǵan oraı, 2 qyrkúıekte saǵat 11.00-de Astana qalasy Salaýatty ómir saltyn qalyptastyrý ortalyǵynyń baspasóz zalynda «Salaýatty ómir saltyn ustan!» uranymen uıymdastyrylatyn «Densaýlyq festıvali-2015» respýblıkalyq keń aýqymdy aktsııasyn ótkizýge máselelerine arnalǵan baspasóz máslıhaty ótedi.
