Astanada densaýlyq festıvali aıasynda 1,5 shaqyrymǵa buqaralyq júgirý uıymdastyryldy

Shara saǵat 9.00-de aýǵan jaýyngerlerine arnalǵan eskertkishtiń janynan bastalyp, «Jeruıyq» parkinde aıaqtaldy, dep habarlaıdy astana.kz .

Júgirýge qatysqandarǵa arnap qazaqstandyq jas estrada juldyzdary merekelik kontsert qoıdy. Mýzykant Erkesh Hasen, «Samuryq» shoý-baleti, «Akapello-aprıorı» toby, Astana cherlıderleriniń komandasy, sondaı-aq L.N.Gýmılev atyndaǵy Eýrazııa Ulttyq ýnıversıtetiniń shyǵarmashylyq ujymdary óner kórsetti. Atalǵan festıval ıgi dástúrge aınalǵan. Jyl saıyn sharaǵa qatysýshylar sportpen shuǵyldanýǵa jáne salaýatty ómir saltyn ustanýǵa shaqyrady. Festıvalǵa 4 myńǵa jýyq adam qatysty.