Astanada densaýlyq aktsııalaryna 300 myńnan astam adam qatysty
TANA. 10 qyrkúıek. QazAqparat /Jasulan Amanbaıuly/ - Bıyl Astanada «Densaýlyq festıvali» jyl saıynǵy aktsııasy aıasynda 300 myńnan astam halyq sporttyq sharalarǵa tartyldy.
Búgin uıymdastyrýshylar 2011 jyly elordada búkilhalyqtyq sıpat alyp, óz talap-deńgeıinde júzege asyrylǵan sporttyq sharalardy Jastar saraıynyń alańynda ótkizilgen kontsertpen qorytyndylady.
Dástúrli shara bıyl «Sport jáne dene belsendiligi - ult densaýlyǵynyń kepili» uranymen ótkizilgen bolatyn.
«Densaýlyq festıvali» aıasynda jyl ishinde kóptegen is-sharalar ótkizildi. Osy kúnge deıin jasalǵan densaýlyq aktsııalaryna 300 myńnan astam adam qatysty», - dedi Astana qalasy salaýatty ómir saltyn qalyptastyrý ortalyǵynyń dırektory Marat Qurmanov agenttik tilshilerine bergen suhbatynda.
Búgingi kontsert barysynda taekvando, karate jáne gımnastıka sportshylarynyń qatysýymen shoý ótti.
Sharanyń negizgi maqsaty - salaýatty ómir saltyna Qazaqstan azamattaryn kóptep tartý. Jyl saıyn bul aktsııaǵa el boıynsha 5 mıllıonǵa tarta adam qatysyp keledi jáne ol ártúrli uranmen ótkizilýde. Mundaı festıval alǵash ret 1999 jyly «HHІ ǵasyrda barshanyń densaýlyǵy úshin» uranymen ótken edi. Bıylǵy «Densaýlyq festıvali» buqaralyq sportqa arnalyp otyr.
Salaýatty ómir saltyn qalyptastyrýdy keńinen nasıhattaýdy maqsat etken ıgi istiń uıytqysy bolǵan - QR Densaýlyq saqtaý mınıstrligi men Astana qalasy salaýatty ómir saltyn qalyptastyrý ortalyǵy.
