Astanada Denıs Tenniń muz ústindegi shoýy ótedi
ASTANA. QazAqparat - 9 maýsym kúni Astanada «Denıs Ten jáne onyń dostary» atty muz ústindegi aýqymdy shoý qoıylady. Bul týraly QazAqparat jobanyń baspasóz hatshysy Danara Jumanovaǵa silteme jasap habarlaıdy.
Dástúr boıynsha qazaqstandyq sportshy jáne álemdik mánerlep syrǵanaý juldyzy elorda qonaqtaryna erekshe joba usynady. Ol óziniń avtorlyq baǵdarlamasyn kanadalyq rejısser-qoıýshy Sheı-Lınn Býrnmen birge ázirlep jatyr. Oǵan Qazaqstannyń estrada-sımfonııalyq orkestri mýzykalyq súıemeleý jasaıdy. Shoý bir ýaqytta 11,5 myń adam sııatyn «Barys-Arena» muz saraıynda ótedi.
Denıs Tenniń muz ústindegi shoýy bes jyl buryn shyǵarylǵan. Bul jyldary mánerlep syrǵanaýshynyń keshine on myńdaǵan qazaqstandyq jınalǵan edi. 2014 jyly Denıs Tenniń shoýy úshin Japonııadan 500 týrıst kelgen bolatyn. Olarǵa keshtiń unaǵany sonshalyq, joba týraly arnaıy derekti fılm túsirdi. Sondaı-aq, Kúnshyǵys eli shoýdyń televızııalyq translıatsııasy quqyǵyn satyp alýǵa nıet bildirdi.
«2016 jyldan beri jobany ýaqytsha toqtatqan edik. Eki jylda kóptegen jańa ıdeıalar paıda boldy. Olardy ádettegideı sapaly jáne kóz toımaıtyndaı kórikti etip usynamyz», - deıdi Denıs Ten.
Sharaǵa qatysatyn álemdik mánerlep syrǵanaýshylardy uıymdastyrýshylar qupııa ustap otyr.
«Denıs Ten jáne onyń dostary» shoýyna bıletter jaqyn arada satylymǵa túsedi.
