Astanada dene tárbıesi pániniń «Eń úzdik muǵalimi» anyqtaldy

ASTANA. KAZINFORM – Astanada «Órken» balalar men jasóspirimder dene tárbıesi ortalyǵy Dene tárbıesi pániniń «Eń úzdik muǵalimi» baıqaýyn ótkizdi. Bul tartysty básekede Erpolat Seksenov jeńiske jetti.

– Baıqaý óte joǵary deńgeıde ótti. Baıqaýdyń árbir kezeńine tyńǵylyqty daıyndaldym. Saıysqa qatysýyma áriptesterim men oqýshylar kóp kúsh berdi. Baıqaý 5 kezeńnen turdy. І kezeń onlaın formatta ótti. ІІ kezeń “Úzdik sporttyq is-shara” taqyrybynda boldy. Keıin deneshynyqtyrý panoramasy boıynsha ótti. Sosyn dene shynyqtyrýdan sabaq óttik. Eń sońynda fınaldyq kezeń uıymdastyryldy, – deıdi baıqaý jeńimpazy Jibek Joly telearnasynyń “Búgin LIVE” baǵdarlamasyna bergen suhbatynda.

Dodanyń aqtyq kezeńinde eń úzdik dep tanylǵan astanalyq 6 muǵalim ózara baq synaǵan.

– Bundaı formattaǵy baıqaýǵa alǵash ret qatysýym. Birinshi kezeńniń nátıjesi boıynsha kelesi kezeńge 12 muǵalim ótedi. Sodan soń 10, 8 jáne aqtyq márege 6 muǵalim qatystyq. Bul saıysqa sońǵy 5-6 jyl boıy daıyndalǵanmyn. Daıyndyǵyma tolyq kóńilim tolǵansha jarysqa qatyspaı keldim. Bıyl “daıynmyn” dep, osy saıysqa qatysýǵa sheshim qabyldadym. Bul baıqaýda jeńiske jetemin degen nyq senimmen keldim desem de bolady, – deıdi Erpolat Seksenov.

Aıta keteıik, Qazaqstan Respýblıkasy Mádenıet jáne aqparat mınıstrligi Azamattyq bastamalardy qoldaý ortalyǵymen birlesip, shaǵyn granttar baıqaýyna ótinim qabyldaý bastalatynyn habarlady.