Astanada «Demalys» reıdtik is-sharasy ótkizilip jatyr
ASTANA. QazAqparat - 7-8 qańtarda elordada kámeletke tolmaǵandardyń isteri boıynsha mektep ınspektorlary ýchaskelik ınspektorlarmen birlesip túngi ýaqytta (saǵat 22.00 - 06.00) jastar kóp jınalatyn jerlerde reıdtik is-sharalar ótkizýde, dep habarlady astana.gov.kz.
Іs-sharanyń maqsaty - kámeletke tolmaǵan balalardyń úıden tys jerlerde jáne kóńil kóteretin mekemelerde júrýine jol bermeý bolyp tabylady.
Sonymen qatar, polıtseıler 21 jasqa tolmaǵan tulǵalarǵa alkogoldik ónimderdi jáne 18 jasqa tolmaǵandarǵa temeki ónimderin satý boıynsha Qazaqstan Respýblıkasy zańnamasynyń talaptaryn buzýǵa jol bermeýge basa nazar aýdarady. Reıdtik is-sharalar, sonymen qatar, ózge óńirlerden jalǵyz kelgen qaraýsyz jáne baqylaýsyz júrgen balalardy jáne balalardy eńbekke tartý jaǵdaılaryn anyqtaýǵa baǵyttalǵan.
Astana qalasynyń ІІD ÁPB ıývenaldy polıtsııa bastyǵy, polıtsııa maıory Azamat Sadyqovtyń aıtýynsha, «Kanıkýl» jedel aldyn alý is-sharasy barysynda birinshi kúni kámeletke tolmaǵan 20 bala ishki ister organdaryndaryna, sonyń ishinde 14-i ákimshilik quqyq buzýshylyq jasaǵany (tyıym salynǵan jerlerde temeki shegý, túngi ýaqytta zańdy ókildersiz dalada júrý) úshin jetkizildi. Qaraýsyz júrgen 5 bala Beıimdeý ortalyǵyna jiberildi.
Astana qalasynyń ІІD ÁPB málimetinshe, 2014 jyly kámeletke tolmaǵan azamattardyń 2 myńnan astam zańdy ókili bala tárbıeleý boıyynsha óziniń mindetterin oryndamaǵany, túngi ýaqytta balalardyń zańdy ókilderinsiz úıden tys jerlerde júrgeni úshin ákimshilik jaýapkershilikke tartyldy. Budan basqa, ótken jyly joǵaryda atalǵan zańnama talaptaryn buzǵany úshin 60-tan astam satýshy men saýda oryndarynyń ıesine 20 AEK mólsherinde aıyppul salyndy.
