Astanada demalys kúnderi jaýyn-shashynnyń bir jarym aılyq normasy jaýdy

ASTANA. QazAqparat - Astanada demalys kúnderi jaýyn-shashynnyń bir jarym aılyq normasy jaýdy, dep habarlaıdy QazAqparat.

Elorda ákimdiginiń málimetinshe, kommýnaldyq qyzmetter táýlik boıy kúsheıtilgen rejımde jumys isteýde. Qar tazalaý jumystaryn 2,2 myńnan astam jol jumysshysy jáne myńnan astam arnaıy tehnıka júrgizýde.

«Qazgıdromet» RMK derekteri boıynsha, aı saıynǵy normasy 22 mm bolǵan jaǵdaıda, tek sońǵy úsh kúnde Astanada 37,6 mm jaýyn-shashyn jaýdy.

Sáýirdiń 16-17-ne qaraǵan túni elordadan 23 myń tekshe metrden astam qar shyǵaryldy. Bul 1600-den astam qar júk kóligi.