Astanada demalys kúnderi jańbyr jaýady
ASTANA. 24 tamyz. QazAqparat - Astanada osy aptada aýa raıy qubylmaly boldy. Jumys aptasynyń birinshi jartysynda kún ystyq bolsa, aptanyń sońynda kóshpeli bult shyǵyp, jańbyr jaýdy. Demalys kúnderi de aýa raıy qubylmaly bolady. Bul týraly astana.kz saıtyna «Qazgıdromet» RMK habarlady.
Aldaǵy kúnderi elordada kún ala bultty bolady, jańbyr jaýady. Aýa temperatýrasy túnde +12 +15°C, kúndiz +22 +24°C-ge jetedi. Demalys kúnderi aýa raıy qubylmaly bolady.
«Senbi kúni Astanada kóshpeli bult shyǵady, ótkinshi jańbyr jaýady. Soltústik-shyǵystan 7-12 m/s, keı jerlerde 15-18 m/s jyldamdyqpen jel soǵady. Túnde aýa temperatýrasy +13-+15°C, kúndiz +22-+24°C bolady», - dep habarlady «Qazgıdromet».
Jeksenbi kúni aýa raıy qubylmaly, jaýyn-shashynsyz, batystan 7-12 m/s jyldamdyqpen jel soǵady. Túnde aýa temperatýrasy +12-+14°C, kúndiz +22-+24°C bolady.
