Astanada demalys kúnderi jańbyr jaýady - sınoptıkter
ASTANA. 12 shilde. QazAqparat - Taıaý kúnderi elordada aýa raıy qubylmaly bolady. Demalys kúnderi azdaǵan jaýyn jaýyp, naızaǵaı oınaýy yqtımal.
Temperatýra túnde +17-den +20°C-qa deıin, kúndiz +27-den +32°C-qa deıin kóteriledi. Bul týraly astana.kz saıtyna «Qazgıdromet» RMK-dan málim etti.
«Astanada juma kúni kún bulttanyp, azdaǵan jańbyr jaýady, naızaǵaı oınaıdy. Ońtústik-batystan 7-12 m/s-pen soqqan jeldiń ekpini jańbyr kezinde 15 m/s deıin jetedi. Temperatýra túnde +17+19°C, kúndiz +30+32°C bolady»,-delingen Qazgıdromet habarlamasynda.
Senbi kúni de osy kún raıy saqtalady. Kún bulttanyp, azdaǵan jańbyr jaýady, naızaǵaı bolady. Ońtústik-batystan soqqan jeldiń ekpini jaýyn-shashyn kezinde 15-18 m/s-qa jetedi. Temperatýra túnde +18+20°C, kúndiz +30+32°C.
Demalys kúni de jaýyn jaýyp, kún kúrkireýi yqtımal. Ońtústikten turǵan jel batysqa aýysyp, sekýndyna 9-14 metr, keı jerlerde 15-18 m/s-qa deıin jetedi. Temperatýra túnde +18+20°C, kúndiz +27+29°C bolady.
