Astanada demalys kúnderi salqyn bolady
ASTANA. 14 qyrkúıek. QazAqparat - Elordada jumys kúnderi aýa raıy qubylmaly boldy. Kún kúrt sýytyp, jańbyr jaýdy. Demalys kúnderi de salqyn, jaýyn-shashyndy bolady. Bul týraly astana.kz saıtyna «Qazgıdromet» RMK habarlady.
Astanada aldaǵy kúnderi kóshpeli bult shyǵady, ótkinshi jańbyr jaýady. Túnde aýa temperatýrasy +6+8°C, kúndiz +12+18°C bolady.
«Senbi kúni Astanada kún ala bultty, jaýyn-shashynsyz bolady. Soltústikten 9-14 m/s jyldamdyqpen jel soǵady. Túnde aýa temperatýrasy +6+8°C, kúndiz +16+18°C bolady», - dep habarlady «Qazgıdromet».
«Jeksenbi kúni elordada kún bultty bolady, kúndiz jańbyr jaýady. Soltústik-batystan 9-14 m/s jel soǵady, kúndiz ekpini 15-18 m/s jetedi. Aýa temperatýrasy túnde +5+7°C, kúndiz +12+14°C bolady»,- dep boljaıdy sınoptıkter.
